Kitni mushkil se kati kal ki meri raat na pooch
Dil se nikli hui honton me dabi baat na pooch
Wo kis adaa se mere saamnay se guzraa abhi
Kis tarha mainay sambhaley merey jazbaat na pooch
Waqat jo badley to insaan badal jaatey hain
Kya nahi dikhlaatey yeh gardish-e-halaat na pooch
Wo kisi ka ho bhi gaya or mujhey khabar na hui
Kis tarha usney chudaya hai mujh se haath na pooch
Is tarha pal mein mujhay begana kar diya usnay
Kis tarha apno se khaai hai mainey maat na pooch
Ab tera pyaar nahi hai to sanam kuch bhi nahi
Kitni mushkil se bani thi dil ki kayenaat na pooch
No comments:
Post a Comment